ടെക്സ്റ്റ് ബുക്
ഖുര്ആന് പഠനത്തിന് ആശ്രയിക്കുന്ന മുഖ്യ പുസ്തകമാണിത്. പദങ്ങള്ക്കും അതിന്റെ വ്യത്യസ്ത രൂപങ്ങള്ക്കും ഊന്നല് നല്കിക്കൊണ്ടുള്ള ഈ പുസ്തകം ലളിതമായ മലയാള ഭാഷയില് തയ്യാറാക്കിയതാണ്. അറബി സാമാന്യം വായിക്കാനും എഴുതാനും അറിയുന്നവര്ക്കൊക്കെയും സ്വയം വായിച്ചു മനസ്സിലാക്കാന് കഴിയുന്ന രീതിയില് പഠനത്തിന്റെ എല്ലാ വശങ്ങളെയുംകുറിച്ച് പ്രതിപാദിക്കുന്നു ഈ പുസ്തകം.
വര്ക് ബുക്
പഠിതാവിന് വേണ്ടി പ്രത്യേകമായി തയ്യാറാക്കിയ പുസ്തകമാണ് വര്ക് ബുക്. പഠിച്ച ക്ലാസ്സുകള്ക്ക് അനുസൃതമായി പഠിതാവിന് ഹോംവര്ക്കുകളും പാഠ്യ പരിശീലനങ്ങളും നിര്വഹിക്കാനുള്ള പഠനകളരിയാണ് വര്ക് ബുക്ക്. ഒന്നു മുതല് 104 യൂണിറ്റുകളിലായി വിവിധയിനം പഠന പരിശീലനങ്ങളിലൂടെ പഠിതാവിനെ ഖുര്ആന് പദങ്ങളും ആശയവും ഗ്രഹിക്കാന് സജ്ജമാക്കുകയാണ് വര്ക് ബുക്.
പോകറ്റ്ഗൈഡ്
പാഠ്യ പദ്ധതിയിലെ പദങ്ങളും അതിന്റെ അര്ത്ഥങ്ങളും ശാസ്ത്രീയമായി ക്രോഡീകരിച്ചിരിക്കുന്ന ഒരുചെറിയ ഡിക്ഷ്നറിയാണിത്. പദങ്ങള്ക്കു പുറമെ പ്രവാചക നാമങ്ങള്, വ്യക്തിസ്ഥല നാമങ്ങള്, പദങ്ങളുടെ ആവര്ത്തന എണ്ണം എന്നിവയും ഇതില് അനുബന്ധമായി കൊടുത്തിട്ടുണ്ട്. എവിടെയും കൊണ്ടു പോകാന് കഴിയുന്ന രീതിയില് ചെറുതും സൗകര്യപ്രദവുമായാണ് ഇത് തയ്യാറാക്കിയിരിക്കുന്നത്. എവിടെയിരുന്നും പഠിതാവിന് ഖുര്ആന് പഠനം സാധ്യമാക്കുകയാണ് ഇതുകൊണ്ടുള്ള ഉദ്യേശ്യം.